اگر سرجیکل اسٹرائیک ہوئی ہوتی ، تو پاکستان ضرور جواب دیتا : باسط

نئی دہلی : پاک مقبوضہ کشمیر میں ہندوستان فوج کے سرجیکل اسٹرائیک کے ہندوستان کے دعوے کو مسترد کرتے ہوئے پاکستان کے ہائی کمشنر عبدالباسط نے کہا ہے کہ سرجیکل اسٹرائیک نہیں ، بلکہ سرحد پار سے فائرنگ ہوئی تھی ۔ نیوز چینل ٹی وی ٹو ڈے کو دیئے انٹرویو میں باسط نے کہا کہ کہیں کوئی سرجیکل اسٹراءیک نہیں ہوئی ۔ اگر کوئی سرجیکل اسٹرائیک ہوئی ہوتی تو پاکستان اس کا جواب ضرور دیتا ۔ انہوں نے کہا کہ ہندوستانی سکیورٹی فورسز نے جموں اور کشمیر میں کنٹرول لائن پر



صرف فائرنگ کی تھی ۔ یہ پوچھے جانے پر کہ سرجیکل اسٹرائیک سے پاکستان کو کیا سبق ملا ہے، انہوں نے کہا کہ جب کوئی سرجیکل اسٹرائیک ہی نہیں ہوئی ، تو پاکستان کو سبق ملنے کا سوال ہی پیدا نہیں ہوتا ۔ اس بات کے جواب میں کہ پاکستان کے کئی بڑے میڈیا اداروں نے سرجیکل اسٹرائیک کے بارے میں لکھا ہے ، باسط نے کہا کہ میڈیا رپورٹ پر وہ تبصرہ نہیں کر سکتے ۔ انہوں نے ایک ہندوستانی ٹیلی ویژن چینل (آئی بی این 7 ) کے پاکستانی پولیس کے ایک افسر کی بات چیت کے سوال کو بیکار قرار دیا ۔